الارهاب لا دين له
للحرية ... طريق
بعد إعلان الزيادة .. ننشر أسعار شرائح الكهرباء الجديدة            مضاعفة غرامات سرقات الكهرباء بعد تطبيق الزيادة الجديدة فى يوليو المقبل            معهد الفلك يعلن: رمضان 29 يومًا هذا العام.. وزيادة ساعات الصيام تدريجيًا            المرور: كاميرات مراقبة لرصد المخالفات وإرسالها للسائقين على الهاتف المحمول            
اﻷكثر تصفحـــــاً

Instagram
SMS
أستغاثة من ضحية الزمالك لـ السيسي
جريدة ميدان التحرير - وكالات* - 6 إبريل 2019 الساعة 10:32 صباحاً
قالت مايسة محمود خليل إحدى السيدتين اللتين اعتدى عليهما رئيس نادي الزمالك، إنها كانت تجلس مع شقيقتها أثناء مرور رئيس الزمالك بالنادي النهري.
وأضافت خليل، خلال تصريحات خاصة لـ"الوطن": "كنا قاعدين وهو نازل وما نعرفش إنه بيزور النادي، وقاعدين عادي وحاطة رجل على رجل، وفوجئت بيه نازل، قولت هنشكره على اللي عمله في النادي".
وتابعت: "فوجئت إنه جاي بسرعة وبيقول نزلي رجلك، أنتي حاطة رجل على رجل، ومردتش عليه من الذهول ومش عارفة أعمل إيه، وقال بصوت عالي أما المستشار مرتضى يكلمك تنزلي رجلك وتقومي تقفي".
وتابعت شقيقتها ملكة محمود خليل: "أنا كمصرية اتأذيت جدا من الأسلوب ده".
ووجهت مايسة محمود خليل رسالة إلى الرئيس السيسي قائلة: "أنا بوجه رسالة لسيادة الرئيس السيسي، رئيسنا ورمز دولتنا، ولسه كان بيكرم المرأة، المرأة في عصرك بتتشتم يا ريس من عضو مجلس نواب".
وأكدت: "غلط في وزير الداخلية ورجال الشرطة، وأنا مسمحش إنه يوصف رجال الداخلية بالوصف اللي هو وصفه، ومن ستر ربنا إن الفيديو كان بيسجل وإحنا منعرفش أنه كان بيسجل".
ضحيتا "الزمالك" توجهان رسالة للبرلمان: "إزاي ساكتين على رئيس النادي؟"
وطالبت بتفريغ كاميرات النادي، "اللي هو استشهد بيها وقال دول يجيبوا الحشيش، ومش منطقي يعني إننا نلف الساعة 3 الضهر حشيش، وبوجه رسالة لأعضاء البرلمان، ورئيس البرلمان إزاي ساكتين عليه".
أوضحت ملكة خليل: "عملنا محضر سب وقذف وتعدي وتهديد بالضرب، وروحت القسم عشان أعمله محضر روحت لاقيته عاملي محضر إني تعديت على بتوع الأمن وضربتهم، وعايزة أشوف شكلي وأنا بضرب بتوع الأمن في الكاميرات".
وأوضحت ملكة: "دي إهانة لأعضاء النادي ويكفي الصوت اللي عمله ببقه، أنا اتصدمت ووقفت متنحة".
وتابعت مايسة خليل: "بتنده عاملات النضافة عشان يضربونا والمفروض إننا نتحامى فيك كرئيس نادي، لكن كعضو مجلس نواب مش هتخوفنا لأن فيه رئيس وداخلية وقضاء ونيابة، أنت بتهددنا إننا محدش يقدر يعملك حاجة، إحنا مش في بلد فوضى إحنا في بلد ليها رئيس وقيادات ووزير داخلية وشرطة وجيش، ومينفعش الكلام ده يتقال في عصر زي ده إحنا مش في عصر البلطجة".
ونشبت مشاجرة بين رئيس نادي الزمالك، ومايسة خليل إحدى عضوات النادي، التي كانت برفقة شقيقتها في النادي النهري للزمالك بمنطقة العجوزة، حيث قررت الشقيقتان قضاء بعض الوقت حتى انتظار موعد الطبيب.