الارهاب لا دين له
للحرية ... طريق
بعد إعلان الزيادة .. ننشر أسعار شرائح الكهرباء الجديدة            مضاعفة غرامات سرقات الكهرباء بعد تطبيق الزيادة الجديدة فى يوليو المقبل            معهد الفلك يعلن: رمضان 29 يومًا هذا العام.. وزيادة ساعات الصيام تدريجيًا            المرور: كاميرات مراقبة لرصد المخالفات وإرسالها للسائقين على الهاتف المحمول            
اﻷكثر تصفحـــــاً

Instagram
SMS
ثورة المضيفات الجويات .. اقرأ التفاصيل
جريدة ميدان التحرير - [متابعة] - 6 يوليو 2017 الساعة 6:03 مساءً
قامت المضيفات الجويات الساعات الماضية بتدشين حملة على مواقع التواصل الإجتماعى للدفاع عن أنفسهن من إستظراف بعض الركاب وظلم البعض الآخر لهم والتى تطورت الأمور فيها إلى محاضر وإلغاء سفر.

صرحت مصادر مطلعة بالنقابة العامة للضيافة الجوية أنه تواجه المضيفات الجويات على كل رحلة مشاكل عديدة من الركاب تتراوح ما بين الاستظراف والتجهم والسب والتعدى بالضرب فى بعض الحالات لذلك حرصت النقابة العامة للضيافة الجوية برئاسة " أسامة عبدالباسط " على تدعيم الحملة التى بدأتها الزميلة " شيماء الجيلانى " والتى تتضمن الظروف التى تمثل عدم امتثال الراكب لتعليمات الضيافة الجوية.

وبدأت الحملة بالتالى: "عزيزي الراكب علشان تبطل تشتكى من أن المضيفات بيكشروا فى وشك تأكد من التالى : إن حضرتك مستظرفتش وهى بترحب بيك فى بداية الرحلة .. هى مش بتبتسم إعجاب بحضرتك أبسلوتلى دى قواعد شغل .. إتأكد حضرتك إن رقم الكرسى بتاعك على الحرف وإنت ماوقفتش تزعق وتتنطط علشان مصر تقعد جنب الشباك دى مش شغلتها خالص .. إتأكد أيضا إنك ربطت حزام الأمان ورفعت ظهر الكرسي وفتحت الشباك من غير ماتشاغب ولا تستظرف .. إتأكد أيضا أنها إما قالت لك لحمة ولا فراخ حضرتك مفضلتش سايب السماعة في ودنك وسايبها تهاتى مع نفسها ولما رديت قولت لها عاوز سمك ! .. إتأكد أيضا أنك ماقعدتش دقائق تعزم على اللى جنبك يأكل لحمة ولا فراخ وهى وقتها محسوب .. ياريت تتأكد أكتر إنك ماطرقعتش بصوابعك ولا بسبست وانت بتنادى عليها .. وياريت أيضا وهى بتأخد منك الأكل إتأكد إنك مستظرفتش وقولت لها طبيخك حلو .. ياريت تتأكد إنك ملمتش كل الصوانى بتاعت الصف بتاعك وحطتهم علي بعض وسلمتها للمضيفة مرة واحدة .. وياريت تتأكد إن أول ما الطيارة وصلت حضرتك ماوقفتش ونزلت الشنط وسط نداءات متتالية إتفضل يافندم أقعد مكانك كدا خطر .

وياريت وحضرتك بتنزل من الطيارة ماتحاولشى تسيب رقم تليفونك هى المرة دي بتودعك بابتسامة معناها حسبى الله ونعم الوكيل.

رب امنح كل مضيفة الصبر والقوة لتحمل ذلك الراكب الكيوت الذى عمل كل اللى فات ونازل بيقول المضيفة كانت مكشره .قامت المضيفات الجويات الساعات الماضية بتدشين حملة على مواقع التواصل الإجتماعى للدفاع عن أنفسهن من إستظراف بعض الركاب وظلم البعض الآخر لهم والتى تطورت الأمور فيها إلى محاضر وإلغاء سفر.