الارهاب لا دين له
للحرية ... طريق
بعد إعلان الزيادة .. ننشر أسعار شرائح الكهرباء الجديدة            مضاعفة غرامات سرقات الكهرباء بعد تطبيق الزيادة الجديدة فى يوليو المقبل            معهد الفلك يعلن: رمضان 29 يومًا هذا العام.. وزيادة ساعات الصيام تدريجيًا            المرور: كاميرات مراقبة لرصد المخالفات وإرسالها للسائقين على الهاتف المحمول            
اﻷكثر تصفحـــــاً

Instagram
SMS
السيسي: "حرية إيه وأنا مش لاقي آكل"
جريدة ميدان التحرير - متابعة* - 23 يوليو 2014 الساعة 12:20 مساءً
قال الرئيس عبدالفتاح السيسي، إنه في «ثورتي في 25 يناير و30 يونيو، الجيش وقف مع الناس، ودي نقطة مهمة نتأكد إنها هتقف مع الناس، الجيش هيبقى ظهير للشعب المصري».
وأضاف السيسي في كلمته بمناسبة ثورة يوليو، الأربعاء: «الشعب يمثل مع الجيش كتلة صلبة جدا لاستمرار الدولة المصرية، محدش هيقدر طول ما المصريين كتلة واحدة، والجيش والمصريين كتلة واحدة، هو الحفاظ على مصر».
وتابع: «يا ترى القناعات أو حتى القائمين على الدولة لديهم قناعات مستقرة على أهداف 25 يناير عيش حرية عدالة اجتماعية، والحفاظ على أهداف الحرية والكرامة الإنسانية والعدالة الاجتماعية، لو مش موجودة يبقى فيه مشكلة كبيرة».
وأكمل: «الحرية اللي بنتكلم عليها، مش تعبر عن رأيك ورأينا، لا الحرية إنك تشعر بإنك تفكر بحرية، ومحدش يحاول يفرض عليك فكر معين، بتفكر حتى في الاعتقاد، يبقى حرية اعتقاد، وميبقاش فيه فكر بعينه، مفروض على الناس إنه الحق.. المصريين لما حسوا إن الحرية منقوصة اتحركوا في 30 يونيو حسوا إن حريتهم هتتاخد منهم، وهيفرض حاجة تانية، بتكلم بمنتهى التجرد، بغض النظر هل هو صح أم لا الفكر ده، كل إنسان من حقه الاعتقاد والتفكير ولا يفرض عليه رأي بعينه».
واستطرد: «الحرية كمان بمفهوم أكبر، معقول تبقى ظروف الناس الصعبة اقتصاديا، تقدر تديله مناخ حقيقي يعبر بحرية، واللا يبقى أسير لفقره، ولغلبه، حرية إيه وانا مش لاقي آكل».
وقال الرئيس عبدالفتاح السيسي، إن «العدالة الاجتماعية لكي تتحقق، مش معقول يبقى دخول في المستوى اللي احنا شايفينه، غالبية الناس، معظم المصريين، العدالة الاجتماعية اللي بنتكلم فيها على شباب عدده كبير، مش لاقي فرصة عمل حقيقة، وإحنا بنجهزه لعمل حقيقي.؟».
وأضاف السيسي في كلمته بمناسبة ذكرى ثورة يوليو، الأربعاء: «الجامعة بتخرج عدد كبير، لكن سوق العمل في مصر، ولو إحنا عايزين السوق يمتد لدول شقيقة، هل إحنا بنهجز العمالة دي واللي تساعد إن السوق يستوعب، أتصور أن ده جزء من العدالة الاجتماعية، مش بس نوفر فرص عمل لا محتاجين نجهز شبابنا، علشان يقدروا يجدوا فرصة عمل مناسبة ليهم.. إحنا مش بنعمل للحظة دي، عايزين الحالة المصرية فيها عدالة، محدش يتدخل فيها علشان تحقق الكرامة الإنسانية.؟، ومن أول 30 يونيو حتى الآن الممارسات اللي بتتعمل لضبط الموقف الامني أقل حجم من التجاوز».
وتابع: «الحملة الموجودة في سيناء تحاول قدر الإمكان ألا تمس الكرامة الإنسانية، مش معقول نتكلم على الكرامة ونضيعها وإحنا بنعمل مواجهة مع من يستهدف الثورة المصرية، عمر الثورات لا تحقق أهدافها في شهر أو أيام، ولكنها تاخد سنوات، الثورة الفرنسية عمرها قد ايه، بقول للمصريين الأصل في إنجاح الأمال والأهداف إنتم يا مصريين يا شعب مصر».




**تمتع بمزيد من الاخبار العاجلة عبر خدمة SMS من جريدة "ميدان التحرير:
لعملاء إتصالات أرسل 56 إلى 1666
لعملاء فودافون أرسل ميدان أو 125 الى 9999